Мүлікті жалдау (аренда) мерзімі – объектіні қабылдау-тапсыру актісіне қол қойылған күннен бастап 36 (отыз алты) ай.

Мүлікті жалдау (аренда) шартын жасасу мерзімі: тендер өткізілген күннен бастап 10 (он) күнтізбелік күн ішінде.

Жеңімпазға енгізілген кепілдік жарна сомасы жасалған шарт бойынша тендер объектісін пайдаланғаны үшін төлем есебіне есептеледі.

Жалға беруші уәкілетті өкілдері арқылы мүлік жалдау шартының талаптары мен қолданыстағы заңнаманың сақталуын тексеру мақсатында объектіге кіруге құқылы. Тексеру жалға алушының жұмыс күні ішінде кез келген уақытта жүргізілуі мүмкін.

Жалға алушы объектіні оны Жалға берушіге қайтарғанға дейін толық жарамды күйде және тиісті санитарлық жағдайда ұстауға, сондай-ақ өрт қауіпсіздігі талаптарының сақталуына жауапты болуға міндетті.

Мүлікті жалдау шарты мерзімінен бұрын бұзылған (немесе оның қолданылу мерзімі аяқталған) жағдайда, Жалға берушінің жазбаша келісімімен жасалған ажыратылмайтын жақсартулар олардың құны өтелместен Жалға берушінің меншігіне өтеді.

Жалға алушы берілген объектінің сақталуын қамтамасыз ету үшін тиісті шаралар қабылдауға міндетті.

Жалға алушы объектіні күтіп-ұстауға және оны пайдалануға байланысты туындайтын шығындарды өзі көтереді.

Объектіні Жалға алушының кінәсінен пайдалануға жарамсыз күйге келтірген жағдайда, оны өз қаражаты есебінен толық қалпына келтіру жұмыстарын жүргізуге міндетті.

Авариялық жағдайлар туындаған кезде, Жалға алушы жөндеу-эксплуатациялық ұйымдардың, авариялық-техникалық қызметтердің және Жалға беруші өкілдерінің объектіге дереу кіруін қамтамасыз етуге және олардың салдарын өз қаражаты есебінен жоюға міндетті.

Жалға алушы объектідегі барлық ақаулар туралы, егер олар авариялық жағдайдың туындауына әкелуі мүмкін болса, дереу Жалға берушіні хабардар етуге міндетті.

Жалға алушы мүлікті жалдау шартын мерзімінен бұрын бұзу және объектіні босату туралы Жалға берушіні кемінде 30 (отыз) күнтізбелік күн бұрын жазбаша түрде хабардар етуге міндетті.

Объектіні мүліктік жалға алу құқығын растайтын негіз — мүлікті жалдау шарты болып табылады.

Объектіні басқаруға байланысты Жалға алушының құқықтары мен міндеттері оны қабылдау-тапсыру актісі бойынша Жалға алушыға беру сәтінен бастап туындайды.

Коммуналдық қызметтер үшін төлем Жалға беруші ұсынған шот-фактураларға сәйкес Жалға алушымен төленеді.

Жалдау ақысы әр айдың 5-күнінен кешіктірілмей ай сайын төленеді.